Stegne brzątwień.

To bëłë smiecë mòjich brzątwień. Nié
twòjich. Abò wëzdrzenia za chùtczé
Żebë bëłë prôwdzëwé. Nié w òczë.
Dzes kòl skarnië. Włosë czôrné.

Abò òczë. Czë bëło w tim nico wiãcy?
Nié. Mòże. Stikniãca rãków kòl pôłnia
abò lëp òb noc cëchą. Leno w mëslach.
Jô miôł ce wëmalowóné bënë

swòji głowë. Rozëmù. Fëlëje
mie czëgò dëch na jawernoce.
Rozëmù. Dôj mie. Abò biôj tam
dze ni ma stegnów wdôru. Òb noc.

  1. No comments yet.

  1. No trackbacks yet.

 
This website uses cookies to offer you the best experience online. By continuing to use our website, you agree to the use of cookies.