Beznazôtnosc.

Dwaji dłonie czejbë ptôchë

Na różowim cała niebie.

Jich zetkniãca fùlné bùchë,

Òczë wcyg wëzdrzoné w sebie.

*

Wiatr kòlibôł jejich włosë.

Deszcz òbmiwôł z czôrnëch skôzów.

Palce czejbë zbòża kłosë,

Roztuńczoné strzód òbrôzów.

*

Znôł jem czédës tã miłotã:

Wszëtczé mëslë w jednym słowie,

Co òbrëmiac mògłë w sobie

*

Wszëtczé zrëchë, całownotã.

Wszëtkòm zamknął w swòji głowie,

Beznazôtno dôł jem tobie.

  1. Beznazôtno mô tuwò znôczenk – “bez odwzajemnienia” a nie “bezpowrotnie” ni? bò jakùż to mòżna dëbeltno jinterpretowac…

    • tomk
    • stë. 19th, 2011

    Mòżna tak i tak. Beznazôtno to je “bez odwzajemnienia” i “bezpowrotnie” bò jakùż bës miôł to wszëtkò dostac nazôt?

  2. Dlô mie to tak, jakbë… bez òdwzajemnienégò = nieszzczestlëwò, blós w jedną starnã. bezpòwrotnô = bez òddaniégò, to je szczestlëwò, bò miłota z dwóch starnów sã nie kòńcząco ë bez òddaniégò tegò wszëtczégò bez jaką sztridã, etc.

    • Tomôsz
    • stë. 19th, 2011

    Wszëtkò bëłobë fejn, ale pòdmiot gôdô, ò ti miłoce w czasu ùszłim. Znôł bò kòchôł tak jak to òpisëje. A terô nigdë ju nie bãdze kòchôł, bò całą miłotã ju òddôł i nazôt ji nie dostónie.

  1. No trackbacks yet.


Warning: Use of undefined constant cs_print_smilies - assumed 'cs_print_smilies' (this will throw an Error in a future version of PHP) in /homepages/17/d34897564/htdocs/wp/tomk/wp-content/themes/monochrome/comments.php on line 185

 
This website uses cookies to offer you the best experience online. By continuing to use our website, you agree to the use of cookies.