Jinszô pòwiôstka ò zôczątkù.

Na zôczątkù czasù, czéj Bóg stwòrzëł wszëtczé stwòrzenia, niebò a zemiã, zwòłôł wszëtczé dëszë lëdzczé a wszëtczich aniołów, wkół swòjégò tronu.

A w tim karnie béł téż Sowizdrzôł.

Kùreszce Bóg rzekł:

– Hewò stworzëł jem zemiã a niebò, wszëtczé zwierzãta a wszëtczé roscënë i zapełnił jem nima wszëtczé kraje zemi.

Sowizdrzôł wëzdrzôł na zemiã i ùwidzôł so taczi môłi krôj. Leżôł òn nad mòrzã, miôł taczi fejn smieszny cëpelk na nordze a na wzénikù baro snôżą rzékã. Pòdszedł òn do Lëcëpera i rzekł:

–  Lëcëper… Widzysz të nen fejn krôj? Jô sã gò baro ùwidzôł i jô tamój bãdã mieszkôł. Le widzysz… òn je taczi nadżi. Jô bë chcôł, żebë tamój bëłë taczi fejn lasë, taczi zeloné, żebë tamój sarenczi biegałë, zajcczi, grzëbë żebë tamój rosłë…

– Jô cë dóm té lasë, le bądź cëchò. Tamój Bóg gôdô, słëchô gò! – òdrzekł mù Lëceper.

Bóg zôs kôrbał dali:

–  Ta zemia bãdze zaludnionô przez wszëtczich lëdzy, żebë z ni żëłë i jã òbrabialë…

Sowizdrzôł jesz rôz pòdszedł do Lëcëpera.

– Bò widzysz, jô bë téż chcôł, żebë na tich mòjich Kaszëbach… Jô jich tak sobie móm nazwóné… Żebë tamój bëłë taczi fejn jezora, taczé mòdré, żebë tamój rëbë płëwałë, taczé snôżi plażë żebë bëłë…

– Dóm cë té plaże, le bądź mie sztél! Nôwëższi gôdô! Słëchô gò! – òdpòwiedzôł mù Lëcëper.

A Bòg kôrbał dali:

– Jeżle chtos chce cos terô rzec, niech gôdô!

Zôs Sowizdzôł pòstãpny rôz przëstąpił do Lëcëpera i zaczął mù kôrbac na ùchò:

– Wiész, Lëcëperkù, a czéjbë tamój dôł jesz taczi górë, żebë ten krôj béł taczi rozmaiti…

Lëcëper  sã znerwił a riknął na całi głos:

– Kò jô ce nie bãdã ùsługiwôł!

Na salë zôpôdła cësza a Bóg rzekł ze swòjégò tronu:

– Cëż te pòwiedzôł?!

  1. ;D baro dobré! nôlepszi na kùńc 🙂
    Twój dokôz?

    • tomk
    • stë. 15th, 2011

    Sóm jes chcôł mój dokôz przëczëtac, tédë jem wstawił. ;D

  2. I baro fejn, że jes to zrobił.
    żebë taczich wicy 🙂

    • ptaszka
    • stë. 16th, 2011

    Jak mie je żôl tegò Lucypera 🙁

  3. Baro dobré!

  1. No trackbacks yet.


Warning: Use of undefined constant cs_print_smilies - assumed 'cs_print_smilies' (this will throw an Error in a future version of PHP) in /homepages/17/d34897564/htdocs/wp/tomk/wp-content/themes/monochrome/comments.php on line 185

 
This website uses cookies to offer you the best experience online. By continuing to use our website, you agree to the use of cookies.