Dlôczë Tomôsz je profónã?

Jem profónã. Przemierzóm stegnë przejinaczëniô. W swòji môłi głowie òbrëmióm rzeczë, chtërnëch jem nie widzôł i môle, w chtërnëch jem nie béł. Do chtërnëch nigdë nie duńdã, bò jich ni mô. Niebëcé je dokôzã bëcô. Jeżle mòżesz pòwiedzec, że czegòs ni mô, mòżesz zjiscëc dejã. Mòżesz zjiscëwac. Mòżesz malowac swiat niebëcym, chtërné pòmału przerôstô cã i ùrzasniwô. Czédë niebëcé stôwô sã mùrã do jawernotë, stôwôsz sã profónã.
Piszã wiérztë. Smiesznota. Jem profónã. Jem pògónã ù grańcë nawróceniô. Jem pògónã, co stoji pò pas zamòczony w wòdze swòji pòganiznie. Nie wińdã z wòdë. Je tamój za sëchò. Nie chcã wëschnąc. Z tesznotë? Wòda mie ùrëszniô. Dôwô òddichac. Jem pògónã w swiece niewiarë. Jem profónã.

    • ptaszka
    • stë. 16th, 2011

    Lec, gdze Ce pchô wiater poezji, mòże gdzes tam je Twòji przejinaczënié. I nie blós òno. Przeznaczënié? Nawrócenié? Spik? Bëcé? Wszëczëcé? Wòda, co mdze wiedno, na wiedno, bezwiedno…
    Wszëtkò, co leno chcesz, wszëtkò mdzesz widzôł zamkłima òczama poetë.
    Jô ju to widzã – szerok òdemkłima òczama kritika, tj. poetë, co za wczas òdemkł òczë i na wiedno stracył leżnosc widzeniô.

  1. Gratulëjã Jaja 😉
    Nick jes nie rzeknął, a Grzenia Ce wzął w aùtole, bò bëm Cë winszowôł zarô na placu.
    Pòzdrówk na Jastrë!

  1. No trackbacks yet.

 
This website uses cookies to offer you the best experience online. By continuing to use our website, you agree to the use of cookies.